اجمل نكت...................................................

(تلميد كسوووول)



--------------------------------------------------------------------------------


قاليك هدا واحد التلميد كسسول مكيشاركش فالقسم فيين ما كيسولو المعلم عللى شيحاجة كيقول شي مصيبةواحد النهار المفتيش غادي ايجي مشى المعلم عند الكسول او قاليه عنداك تمشي تقول شي حاجةالمفتيش غادي يجي هو ايقول ليه صافي تهنا دخل المفتش هو يمشي ديركت عند الكاسول هو يسلم عليه او عنقو او المعلم خايف من المفتش او منين المفتش خرج هو يمشي المعلم عندو هو يقول ليه فين كنتي كتعرفو هو يقوليه المفتش كان كيقرا معايا.

(تكليخة)



--------------------------------------------------------------------------------


قاليك هدا واحد القسم ديال المكلخين فالعروبية قالت ليهم المعلمة ادا دخلت كان واخوتها على جملة اسمية ترفع الاول وتنصب الثاني او حتى واحد ماقشع توزة اوهي تلون ليهم المبتدا بالحمر او الخبر بالزرق او قالت ليهم حفظوها راه غادي يجي المفتش المهم جا المفتش سولات المعلمة التلاميد ادا دخلت كان واخوتها على جملة اسمية شنو كدير ليها هما يجوبها كتحمررررر الاول او كتزررررق الثاني.

(حيوان بلا عظم)



--------------------------------------------------------------------------------


قاليك هدا واحد المعلم قال لتلا ميد عطوني حيوان مافيهش العظم هو ينقز واحد التلميد هو يقول ليه (الكفة).

(الGومة)



--------------------------------------------------------------------------------


قاليك هدا المعلم ورا لتلاميد ديالو صورة ديال الكاشير از قال ليهم ماهدا حتى واحد ماعرف نقز واحد الكاسول قاليه هديك Gومة ديال 1600.

*نكت عن عالم الحيونات*

(الحولي)



--------------------------------------------------------------------------------


قاليك هدا واحد السيد شرى الحولي ديال العيد شهراه شهر قبل العيد او بكترت ما الحولي ولف مالين دار ملي قرب العيد باقي ليه نهار مشى الحولي عند مولدار كيجري هو يقوليه بابا امتا غادي نشريو الحولي.

(الفار او قرعة الروج)



--------------------------------------------------------------------------------


قاليك هدا واحد الفار كيدور فالغابة شو هو يلقى واحد القرعة ديال الروج شرب منها شوية هو ايتبوق جا السبع شرب شوية هو يطيح كاو شوية جا السبع حتى هو شرب طاح مبوق فاق الفار من التبوقة هو يلقى السبع او النمر مفرشين هو يقول الفار ناري الا تبوقت ما كنعقل على حتى واحد كنبدا غير نخلط.

(2 قرودة)



--------------------------------------------------------------------------------


قاليك هدو واحد 2 قرودة واحد عندو الزهر واحد ماعندو الزهر ديما فين تيمشيو لواحد الحديقة ديال البنان تيجي هداك مول الحديقة او كيزعزع الشجرة بهم الشجرة ما كطيح غير هدا الي معندو الزهرواحد النهار الي معندو الزهر مابغاش يمشي هاد المرة جا الي عندو الزهر قاليه غير ياله هاد المرة ماتخافش ملي غادي يزعزع الشجرة غادي نطيح انا المهم مشاو; جا مول الحديقة زعزع الشجرة هو يطيح هداك الي عندو الزهر كيفما واعد صحبو الي ماعندو الزهر. هو يقول مول الحديقة لهداك الي عندو الزهر الي طاح من الشجرة قاليه غير سيرر ديما انت كطيح خليني نشد هداك لي ديما طلع ليا لفوق.




هدا وحد الراجل مشا بغا ينتاحر عطاوه الناس بزاف ديال الفلوس باش مينتحرش ولا لاباس عليه قال ليه صاحبو كيدرتي المصخوط قال ليه مشيت عبرت وحد الباطيمة ونقصت من الطول ديالها 2 مترو وشريت حبل وربطت بيه راسي

ناظ صاحبو بغا يدير بحالو ملي نقز من واحد الباطيمة مات جاو البوليس كيسولو عندمن شرا داك الحبل ملي جاو عند الحانوت قالو ليه شحال طلب ليك ديال الحبل قال ليهم طلب ليا 20 مترو ولكن انا زدتو 5 مترو باش يولي من الكليان ديالي



اتمنى ان تلقى هده النكت اعجابكم



--------------------------------------------------------------------------------


لي بالجديد ان شاء الله